ବିଶ୍ୱର ସର୍ବକନିଷ୍ଠ ପ୍ରଧାନମନ୍ତ୍ରୀ ହେଲେ ସନା ମରିନ୍‌

ହେଲ୍‌ସିନ୍‌କି: ଫିନ୍‌ଲ୍ୟାଣ୍ଡର ସୋଶାଲ୍‌ ଡେମୋକ୍ରାଟିକ୍‌ ପାର୍ଟି ନେତା ତଥା ପୂର୍ବ ପରିବହନ ମନ୍ତ୍ରୀ ସନା ମରିନ୍‌(୩୪) ଫିନ୍‌ଲ୍ୟାଣ୍ଡର ନୂଆ ପ୍ରଧାନମନ୍ତ୍ରୀ ଭାବେ ନିର୍ବାଚିତ ହୋଇଛନ୍ତି। ଏଥିସହତି ସେ ବିଶ୍ୱର ସବୁଠାରୁ ସାନ ପ୍ରଧାନମନ୍ତ୍ରୀ ହୋଇଛନ୍ତି। ଗତ ମଙ୍ଗଳବାର ତାଙ୍କରି ପାର୍ଟିର ନେତା ଆଣ୍ଟି ରିନେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଥିଲେ। ସେ ଗତ ଏକମାସ ଧରି ଦେଶରେ ଚାଲିଥିବା ଡାକ କର୍ମଚାରୀଙ୍କ ଆନ୍ଦୋଳନକୁ ସମ୍ଭାଳିବାରେ ବିଫଳ ହେବାରୁ ତାଙ୍କ ସହଯୋଗୀ ପାର୍ଟିଙ୍କର ବିଶ୍ୱାସ ହରାଇଥିଲେ। ଫଳରେ ସେ ଇସ୍ତଫା ଦେବା ପରେ ସନା ମରିନ୍‌ଙ୍କୁ ପ୍ରଧାନମନ୍ତ୍ରୀ କରିବା ପାଇଁ ତାଙ୍କ ଦଳ ନିଷ୍ପତ୍ତି ନେଇଛି।

Loading...
>