ପୁଣି ଫେରିଛି ଚକଡା ପୋକ, ଚିନ୍ତାରେ ଚାଷୀ

 

ବଲାଙ୍ଗୀର: ପୁଣି ଫେରିଛି ଚକଡା ପୋକ, ଚିନ୍ତାରେ ଏବେ ଚାଷୀ । ଗତବର୍ଷ ଭଳି ଏବର୍ଷ ମଧ୍ୟ ଚକଡା ପୋକ ଯୋଗୁଁ ଫସଲ ନଷ୍ଟ ହେଉଥିବା ଅଭିଯୋଗ ହୋଇଛି। ଏହି ଅଭିଯୋଗ ବଲାଙ୍ଗୀର ଜିଲ୍ଲା ସଦର ବ୍ଲକ୍‌ରୁ ଆସିଛି । ଗୋଟିଏ କ୍ଷେତରୁ ଅନ୍ୟ କ୍ଷେତକୁ ଚକଡା ପୋକ ତାର କାୟା ବିସ୍ତାର କରିବାରେ ଲାଗିଛି । ଯାହାକୁ ନେଇ ଏବେ ଚାଷୀ ଚିନ୍ତାରେ ପଡିଯାଇଛନ୍ତି । ଏନେଇ କୃଷି ଅଧିକାରୀଙ୍କ ନିକଟରେ ଗୁହାରି କରାଯାଇଥିଲେ ମଧ୍ୟରେ କୌଣସି ପଦକ୍ଷେପ ଗ୍ରହଣ କରାଯାଇ ନଥିବା ଅଭିଯୋଗ ହୋଇଛି ।

ଚକଡା ପୋକ ଲାଗିଥିବା ଧାନ ଗଛ ନେଇ ଚାଷୀମାନେ କୃଷି ବିଭାଗ କାର୍ଯ୍ୟାଳୟ ଯାଇଥିଲେ । କୃଷି ଅଧିକାରୀ କ୍ଷେତକୁ ନଆସି ଔଷଧ କିଣି କ୍ଷେତରେ ପକାଇବାକୁ ଚାଷୀଙ୍କୁ ପରାମର୍ଶ ଦେଇ ପଠାଇଥିଲେ । ପରେ ଚାଷୀମାନେ ସେହି ଔଷଧ କିଣି କ୍ଷେତରେ ପ୍ରୟୋଗ କରିଥିଲେ ମଧ୍ୟ ଚକଡ଼ା ପୋକ ନିୟନ୍ତ୍ରଣକୁ ଆସିବା ପରିବର୍ତ୍ତେ ଆହୁରି ବଢ଼ିବାରେ ଲାଗିଛି ବୋଲି ଅଭିଯୋଗ ହୋଇଛି ।

Loading...
>