fbpx
Home News ଫିକା ପଡୁଛି ମୋଦି ଲହରୀ: ୨ବର୍ଷ ୭ ରାଜ୍ୟ ହରାଇଲାଣି ବିଜେପି

ଫିକା ପଡୁଛି ମୋଦି ଲହରୀ: ୨ବର୍ଷ ୭ ରାଜ୍ୟ ହରାଇଲାଣି ବିଜେପି

ନୂଆଦିଲ୍ଲୀ : କଂଗ୍ରେସ ମୁକ୍ତ ସ୍ଲୋଗାନ ଦେଇ ଦ୍ୱିତୀୟ ଥର ପାଇଁ ଦେଶରେ କ୍ଷମତା ଦଖଲ କରିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାଟତି ରାଜ୍ୟଗୁଡିକରେ କମି କମି ଯାଉଥିବା ଦେଖିବାକୁ ମିଳୁଛି । ମୋଦି ଲହରୀ ଏବେ ଫିକା ପଡୁଥିବା ଲକ୍ଷ୍ୟ କରାଯାଉଛି । ବିଜେପି ନେତୃତ୍ୱାଧୀନ ଏନ୍‌ଡିଏ ଗତ ୨ ବର୍ଷରେ ୭ଟି ରାଜ୍ୟରେ କ୍ଷମତା ହରାଇଲାଣି । ଗତ ନିର୍ବାଚନରେ ଦିଲ୍ଲୀରେ ୩ ଆସନ ଜିତିଥିବା ବିଜେପି ଚଳିତ ନିର୍ବାଚନରେ ଭଲ ପ୍ରଦର୍ଶନ କରି କ୍ଷମତା ଦଖଲ କରିବ ବୋଲି ଦିଲ୍ଲୀ ପ୍ରଦେଶ ବିଜେପି ଅଧ୍ୟକ୍ଷ ମନୋଜ ତିୱାରିଙ୍କ ସମେତ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ପୂର୍ବତନ ଅଧ୍ୟକ୍ଷ ଅମିତ ଶାହ ଆଶା ରଖିଥିଲେ । କିନ୍ତୁ କେବଳ ୮ଟି ଆସନରେ ଏହି ଦଳକୁ ସନ୍ତୁଷ୍ଟ ହେବାକୁ ପଡିଛି । ଦଳ ଅନୁମାନ କରିଥିଲା ଯେ, ପାଖାପାଖି ୪୫ଟି ଆସନରେ ବିଜୟୀ ହୋଇ ଦିଲ୍ଲୀରେ ସରକାର ଗଠନ କରିବ । କିନ୍ତୁ ସ୍ୱପ୍ନ ସ୍ୱପ୍ନରେ ହିଁ ରହିଗଲା । ଏହା ସହ କଂଗ୍ରେସ ମୁକ୍ତ ଭାରତ ସ୍ୱପ୍ନ ମଧ୍ୟ ଚୁରମାର ହେବାକୁ ବସିଲାଣି । ଦିଲ୍ଲୀ ସମେତ ୧୨ଟି ରାଜ୍ୟରେ ଏବେବି ବିଜେପି ବିରୋଧୀ ସରକାର ଅଛି । ବିଜେପି ମେଣ୍ଟ ୧୬ଟି ରାଜ୍ୟରେ ସରକାର ରହିଛି । ଗତବର୍ଷ ହରିୟାଣା ନିର୍ବାଚନରେ ଦଳକୁ ସ୍ପଷ୍ଟ ବହୁମତ ନ ମିଳିବାରୁ ନବଗଠିତ ଦୁଷ୍ୟାନ୍ତ ଚୌଟଲଙ୍କ ଦଳ ଜେଜେପି ସହ ମେଣ୍ଟ କରି ନିଜର ଇଜ୍ଜିତ ବିଜେପି ବଞ୍ଚାଇ ଦେଇଥିଲା । କଂଗ୍ରେସ ନିଜେ ଓ ଗଠବନ୍ଧନ କରି ମହାରାଷ୍ଟ୍ର, ରାଜସ୍ଥାନ, ମଧ୍ୟପ୍ରଦେଶ, ଛତିଶଗଡ, ପଞ୍ଜାବ, ଝାରଖଣ୍ଡ ଏବଂ ପଣ୍ଡୁଚେରୀରେ ସରକାର ଗଠନ କରିଛି । ୨୦୧୯ ଡିସେମ୍ବରରେ ହୋଇଥିବା ଝାରଖଣ୍ଡରେ ସରକାର ଗଠନ କରିବା ପରେ କଂଗ୍ରେସ ମେଣ୍ଟ ସରକାର ଏବେ ୭ ରାଜ୍ୟରେ ରହିଛି ।
ଦିଲ୍ଲୀରେ ଆମ୍ ଆଦ୍‌ମୀ ପାର୍ଟି ଲଗାତାର ତୃତୀୟ ଥର ପାଇଁ ବିଜୟ ହାସଲ କରିଛି । ପଶ୍ଚିମବଙ୍ଗରେ ତୃଣମୂଳ କଂଗ୍ରେସ, କେରଳରେ ମାକପା ନେତୃତ୍ୱଧୀନ ମେଣ୍ଟ ସରକାର, ଅନ୍ଧ୍ରପ୍ରଦେଶରେ ୱାଇଏସ୍‌ଆର୍ କଂଗ୍ରେସ. ଓଡିଶାରେ ବିଜେଡି ଏବଂ ତେଲେଙ୍ଗାନାରେ ଟିଆର୍‌ଏସ୍ ସରକାର ରହିଛି । ଆଉ ଗୋଟିଏ ରାଜ୍ୟ ତାମିଲନାଡୁରେ ଯେଉଁ ବିଜେପି ଆଇଏଡିଏମ୍‌କେ ସହ ଲୋକସଭା ନିର୍ବାଚନ ଲଢିଥିଲା ସତ କିନ୍ତୁ ରାଜ୍ୟରେ ବିଜେପିର ଜଣେ ବିଧାୟକ ନଥିବାରୁ ଏହା ସରକାରରେ ସାମିଲ ହୋଇପାରିନାହିଁ । ସୂଚନାଯୋଗ୍ୟ ୨୦୧୭ ଡିସେମ୍ବର ବେଳକୁ ବିଜେପିର ସ୍ଥିତି ସୁଦୃଢ ଥିଲା । ସେହିପରି ବିଜେପି ଓ ତା\’ର ସହଯୋଗୀ ଦଳଙ୍କ ହାତରେ ୧୯ଟି ରାଜ୍ୟ ଥିଲା । ଦଳ ଗୋଟିଏ ବର୍ଷରେ ୩ ରାଜ୍ୟ ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡରେ କ୍ଷମତା ହରାଇଥିଲା । ଚତୁର୍ଥ ରାଜ୍ୟ ଆନ୍ଧ୍ରପ୍ରଦେଶ ଯେଉଁଠି ବିଜେପି-ଟିଡିପି ମେଣ୍ଟ ସରକାର ଥିଲା । ୨୦୧୮ ମାର୍ଚ୍ଚରେ ଟିଡିପି ବିଜେପି ସହ ଗଠବନ୍ଧନ ଭାଙ୍ଗି ଦେଇଥିଲା । ୨୦୧୯ ବିଧାନସଭା ନିର୍ବାଚନରେ ଆନ୍ଧ୍ରପ୍ରଦେଶରେ ୱାଇଏସ୍‌ଆର୍ କଂଗ୍ରେସ ସରକାର ଗଠନ କରିଥିଲା ।

LEAVE A REPLY

Please enter your comment!
Please enter your name here

- Advertisment -

Most Popular

ରାଜ୍ୟରେ ପ୍ରଥମ ମୁଣ୍ଡ ନେଲା କରୋନା

ଭୁବନେଶ୍ୱର: ମହାମାରୀ କରୋନା ରାଜ୍ୟରେ ପ୍ରଥମ ମୁଣ୍ଡ ନେଇଛି। ଏମ୍ସରେ ଚିକିତ୍ସାଧୀନ ଅବସ୍ଥାରେ ଜଣେ ୭୨ ବର୍ଷୀୟ ବ୍ୟକ୍ତି ପ୍ରାଣ ହରାଇଛନ୍ତି। ତାଙ୍କ ଘର ଭୁବନେଶ୍ୱରର ଝାରପଡ଼ା ଅଞ୍ଚଳରେ। ସେ ଏପ୍ରିଲ ୪...

ରାଜଧାନୀରେ ପୁଣି ଜଣେ କରୋନା ଆକ୍ରାନ୍ତ ଚିହ୍ନଟ

ଭୁବନେଶ୍ୱର: ଭୁବନେଶ୍ୱରରେ ଆଜି ପୁଣି ଜଣେ କରୋନାରେ ଆକ୍ରାନ୍ତ ଚିହ୍ନଟ ହୋଇଛନ୍ତି।  ତାଙ୍କ ଘର  ୟୁନିଟ୍‌ ୪ ମଧୁସୂଦନ ନଗରରେ। ଏନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ ଟ୍ୱିଟ୍ କରାଯାଇଛି। ଯୁବକ ଜଣକ ବୟସ...

କେନ୍ଦ୍ରାପଡାର ୧୨ ଗାଁ ୪୮ଘଣ୍ଟା ପାଇଁ ସିଲ୍‌

କେନ୍ଦ୍ରାପଡ଼ା: କେନ୍ଦ୍ରାପଡାର ଜଣେ ୩୨ ବର୍ଷୀୟ ଯୁବକ କରୋନା ପଜିଟିଭ୍  ଚିହ୍ନଟ ହୋଇଛନ୍ତି। ଏହି ଯୁବକ ଜଣକ ଗତ ମାସ ୨୪ ତାରିଖରେ ଦୁବାଇରୁ ଫେରିଥିଲେ । ଏହି ସଂକ୍ରମିତ ଯୁବକ ଜଣକ...

ରିଲିଜ ହେଲା “ମୁସ୍କୁରାଏଗା ଇଣ୍ଡିଆ…ଫିର୍ ଜିତ ଜାଏଗା ଇଣ୍ଡିଆ’, ଭିଡିଓ ସେୟାର ବଲିଉଡ ଆକ୍ଟରଙ୍କୁ ସଲାମ ଜଣାଇଲେ ମୋଦି

ବିଶ୍ୱରେ କରୋନା ଭାଇରସର ପ୍ରକୋପକୁ ନଜର ରଖି ଫିଲ୍ମ ଜଗତର ଜଣାଶୁଣା ଅଭିନେତାଅଭିନେତ୍ରୀ ଏକଜୁଟ୍ ହୋଇଥିବା ଦର୍ଶାଇଛନ୍ତି । କରୋନାକୁ ନେଇ ଲୋକଙ୍କ ମଧ୍ୟରେ ଡରକୁ ଦୂର କରିବା ପାଇଁ "ମୁସ୍କୁରାଏଗା ଇଣ୍ଡିଆ...ଫିର୍...

Recent Comments

>